Arabia Saudite do të fillojë vitin e ardhshëm ndërtimin e qyteteve të mëdha “zbavitëse”, duke iu falënderuar investimeve lokale dhe të huaja në kuadër të projektit të diversitetit të ekonomisë së saj, e cila varet fuqishëm nga nafta.

Zona në jugperëndim të kryeqytetit saudit Al Riad do të presë “qytetin më të madh kulturor, sportiv dhe argëtues në mbretëri, tha djali i mbretit dhe ministër i Mbrojtjes, Muhamed ben Salman, të cilin e citon agjencia zyrtare Spa.

“Si i vetmi në botë, qyteti i argëtimit do të jetë sipërfaqe prej 334 kilometra katrorë”, ka shtuar ai.

Qyteti do të ofrojë “aktivitete kualitative të përzgjedhura”, në mesin e të cilave edhe parkun e argëtimit dhe safari. Po ashtu do të ketë restorante dhe hotele, në mënyrë që të tërheqë turistët.

Vënia e gurthemelit të qytetit të argëtimit do të bëhet në vitin 2018, ndërsa projekti zyrtarisht do të inaugurohet në vitin 2020.